طريقة عمل الكريب بالبرجر والسوسيس
طريقة عمل الكريب بالبرجر والسوسيس
طريقة عمل الكريب بالبرجر والسوسيس
المقادير:
1 بيضة
1 كوب لبن
1 كوب دقيق
ذرة ملح
(انا هنا عاملة مقدارين)
الحشو:
4 برجرات مشويين في الفرن
5 سوسيسات مقليين بسرعة كدة
بصلاية مقطعة جوليان
فلفل اخضر مكعبات
طماطماية مقطعة مكعبات
بهاراتك وحبشتكاناتك بقى اللي في المطبخ كلهااااااااااااااا
كاتشششب
مايونيييييييز
الطريقة:
الكريب الأول
نخلط المقادير بتاعة العجينة بالمضرب اليدوي
القلاية اللي في الصورة دي مخصوص للكريب اشتريتها وسعيدة بيها قوي احتمال اجيب 2 او 3 اخليهم عندي ستوك لأي تحركات يبقى معايا قلاية واعمل كريب
نقطة زيت على القلاية دي.. ونمسحها ب مناديل مطبخ
بالمغرفة هنصب ونحاول نفردها باننا نميل القلاية
دقيقتين ونقلبهاااااااااااااا على الوش التاني
ودقيقة ونشيلهاااااااااا
وعادي حطي اللي يجهز فوق بعضو مش بيلزق ولا حاجة
الحشو:
هنشوي البرجر في الفرن ونقطعو مكعبات
السوسيس نقطعو دواير صغيرة وهنشوحه في القلاية
وفي نفس القلاية نضيف البصل والفلفل والطماطم المقطعين والتوابل والكاتشب والمايونيز
وثوانى واقفلي عليهم
ليست هناك تعليقات:
إرسال تعليق